“Səbail” yenə qol vuracaq?

Misli Premyer Liqasının bu gün start götürəcək XVI turunu ilk oyununda “Səbail” “Araz-Naxçıvan”ı qəbul edəcək.

İdman.biz xəbər verir ki, bu, komandaların ölkə çempionatlarında 6-cı dueli olacaq.

İlk dəfə ötən mövsüm üz-üzə gələn rəqiblər indiyədək 5 dəfə qarşılaşıblar. Bu matçlarda Bakı klubu minimal üstünlüyə malikdir.

2 qələbə və 2 heç-heçəsi olan “Səbail” yalnız bir dəfə uduzub. Bu məğlubiyyət də cari mövsümün ilk dövrəsinə təsadüf edib.

Top fərqində də paytaxt təmsilçisi öndədir – 8-6. “Səbail” bütün oyunlarda qol vurub. Bakılılar bu seriyanı davam etdirməyə çalışcaq.

“Araz-Naxçıvan” həm ilk quru oyununu keçirməyə, həm də səfər sindromunu qırmağa iddialıdır. Muxtar Respublika təmsilçisi indiyədək səfərdə qələbə qazanmayıb.

Qeyd edək ki, “ASCO Arena”da keçiriləcək görüş saat 15:00-da başlayacaq.

İdman.biz