Bu gün İngiltərə Premyer Liqasının 15-ci turu çərçivəsində keçirilməsi nəzərdə tutulan "Everton" - "Liverpul" matçı təxirə salınıb.
İdman.biz xəbər verir ki, bu barədə hər iki klubun mətbuat xidmətləri məlumat yayıb.
"Qudison Park"da keçirilməsi və saat 16:30-da başlaması planlaşdırılan Mersisayd derbisi başqa vaxta keçirilib. Hava şəraiti səbəbindən bu addım atılıb. Ölkəni bürüyən "Darrag" qasırğası güclü küləklər və şiddətli yağışlarla müşayiət olunur.
Qeyd edək ki, "Liverpul" 35 xalla Premyer Liqaya başçılıq edir. "Everton" isə 14 xalla 15-ci sıradadır.
İdman.biz
