17 və 19 yaşadək qız futbolçulardan ibarət Azərbaycan milliləri Avropa çempionatının 2024/25 mövsümünün ikinci mərhələsində tanış rəqiblərlə üz-üzə gələcək.
İdman.biz xəbər verir ki, U-17 B Liqasının 2-ci, U-19 4-cü qrupunda mübarizə aparacaq.
İsveçrənin Nyon şəhərindəki püşkatma 17 yaşadək olan yığmamızı Bolqarıstan, Lüksemburq və Malta ilə üz-üzə qoyub. Komandamız hər üç rəqiblə əvvəllər də görüşüb.
Lüksemburqla ötən ay 1-ci mərhələdə görüşən millimiz yenə eyni yığma ilə üz-üzə gələcək. Bu, son ilyarımda 3-cü duel olacaq. Bolqarıstan da bu il rəqibimiz olub. Onlarla yenə ikinci mərhələdə qarşılaşma baş tutacaq.
Bolqarıstan – 1 oyun
14.03.2024. Bolqarıstan – 1:6
Lüksemburq – 2 oyun
02.10.2023. Lüksemburq – 0:1
02.11.2024. Lüksemburq – 0:3
Malta – 1 oyun
16.02.2021. Malta – koronavirusa görə ləğv olunub
08.10.2023. Malta – 1:4
U-19 Şimali İrlandiya, Albaniya və Monteneqro yığmaları ilə mübarizə aparacaq. Bu rəqiblərlə ümumilikdə 8 matç baş tutub. Lüksemburq U-17-dən “əl çəkmədiyi”, Monteneqro da U-19-un daimi rəqibinə çevrilib. Son 2,5 ildə 4-cü dəfə balkanlılar millimiz önünə çıxacaqlar.
Şimali İrlandiya – 3 oyun
08.10.2006. Şimali İrlandiya – 3:1
30.09.2008. Şimali İrlandiya – 1:0
12.04.2022. Şimali İrlandiya – 0:1
Albaniya – 2 oyun
31.10.2017. Albaniya – 0:0
08.10.2019. Albaniya – 1:0
Monteneqro – 3 oyun
04.10.2022. Monteneqro – 1:2
08.04.2023. Monteneqro – 0:3
03.04.2024. Monteneqro – 0:4
Ümumilikdə bu tanış rəqiblərlə baş tutan 12 oyunda 3 qələbə və 8 heç-heçəsi olan yığmalarımız 8 dəfə uduzublar. Top fərqi də rəqiblərin xeyrinədir. Futbolçularımız 8 qol vurub və 25-ni buraxıblar.
Qeyd edək ki, ikinci mərhələ 2025-ci ilin yazında baş tutacaq.
Vüqar Xeyrullayev
İdman.biz
