"Qarabağ" legionerlərindən daha biri ilə danışıqlara başlayıb.
İdman.biz Apasport.az-a istinadən xəbər verir ki, Ağdam təmsilçisi Mateus Silvanı buraxmaq niyyətində deyil.
Belə ki, onun müqavilə müddəti artırıla bilər. Artıq klub ona yeni müqavilə təklif edib.
Qurban Qurbanov Mateus Silvanın komandada qalmasını istəyib. Məlumata görə, braziliyalı da "Qarabağ"dan ayrılmaq niyyətində deyil.
Mateusun Azərbaycan çempionu ilə müqavilə müddətinin daha iki il artırılacağı gözlənilir.
Qeyd edək ki, Mateus 2023-cü il avqustun 21-də "Qarabağ"a keçib. Onun Ağdam klubu ilə sözləşməsi 2025-ci il iyunun 30-na qədərdir.
İdman.biz
