Azərbaycan milli komandası 2025-ci ilin mart və iyun aylarında yoldaşlıq oyunları keçirəcək.
İdman.biz xəbər verir ki, bunu yığmanın baş məşqçisi Fernandu Santuş açıqlayıb.
Millimiz DÇ-2026-nın seçmə mərhələsinə 2025-ci ilin sentyabrında start veriləcək. Bu, yarışın bu gün keçirilən püşkatmasından sonra dəqiqləşib. Yığmamız dörd komandalı qrupa düşdüyü üçün martda deyil, payızda seçmə mərhələyə başlayacaq.
Portuqaliyalı mütəxəssis bildirib ki, həmin qarşılaşmalara hazırlıq məqsədilə yoldaşlıq oyunları keçiriləcək. Bu isə o deməkdir ki, AFFA püşkatmanın nəticələrindən sonra rəqib axtarışına başlayacaq.
Qeyd edək ki, millimiz seçmə mərhələdə Ukrayna, İslandiya, həmçinin Millətlər Liqasının 1/4 final mərhələsinin Fransa – Xorvatiya cütünün qalibi ilə eyni qrupda mübarizə aparacaq.
İdman.biz
