“Bu matç hər iki komanda üçün vacib idi. Biz sonuncu yerdəyik”.
İdman.biz xəbər verir ki, bunu “Səbail”in baş məşqçisi Cavid Hüseynov Misli Premyer Liqasının XVI turunun “Şamaxı” ilə oyunundan sonra keçirilən mətbuat konfransında deyib.
Gənc çalışdırıcı səfər görüşünü dəyərləndirib: “Şamaxıya qələbə üçün gəlmişdik. Lakin 1 xalla qayıdırıq. Meydanın durumu oynamağa imkan vermirdi. Hava şaraiti də əvvəldən bilinirdi. Buzun üzərində oynamaq yaxşı olmadı. "Zirə" ilə vacib qarşılaşmaya hazırlaşacağıq. Mənim üçün hər oyun eynidir, rəqiblərin fərqi yoxdur. Klubda 4-cü matçımdır. Qələbə qazanmaq istəyirdim”.
Qeyd edək ki, “Şamaxı” – “Səbail” oyunu 0:0 hesabı ilə başa çatıb.
İdman.biz
