“Qarabağ” qış çempionu olub - VİDEO

Bu gün Misli Premyer Liqasında III turdan təxirə salınan oyun keçirilib.

İdman.biz xəbər verir ki, son çempion “Qarabağ” səfərdə “Şamaxı” ilə qarşılaşıb.

Matçın taleyini bir qol həll edib. İkinci hissəyə artırılan vaxtın son saniyələrində fərqlənən Musa Qurbanlı “Qarabağ”a üç xal qazandırıb.

Ağdam klubu bu qələbə ilə qış çempionu olub. “Qarabağ” 2024-cü ilin son turunun nəticələrindən asılı olmayaraq qış fasiləsinə birinci pillədə yollanacaq.

Qeyd edək ki, XVIII turun matçları dekabrın 20-22-də keçiriləcək.

Misli Premyer Liqası
III turdan təxirə salınan oyun
19 dekabr (cümə axşamı)
14:00. “Şamaxı” – “Qarabağ” 0:1
Qol: Musa Qurbanlı, 90+4

Baş hakim: Rəşad Əhmədov
“Şamaxı”: 1. Rikardo Fernandes, 17. Rafael Məhərrəmli, 5. Arsen Ağcabəyov, 6. Rauf Rüstəmli, 82. Rüfət Abbasov, 24. Edqar Adilxanov ,32. Vasiliye Radenoviç, 20. Leroy Mikels (k), 93. Brahim Konate, 9. Belajdi Pusi, 66. Vasiliye Bakiç
Ehtiyat oyunçular: 85. Kamal Bayramov, 62. Abdulla Seydəhmədov, 60. Səbayıl Bağırov, 10. Emin Zamanov, 80. Zahid Mərdanov, 13. Ramin Əhmədov, 22. Qurban Səfərov, 19. Fəxri Məmmədli, 11. Conatan Benteke,
Baş məşqçi: Ayxan Abbasov

“Qarabağ”: 1. Şahrudin Məhəmmədəliyev, 20. Riçard Almeyda (k), 30. Abbas Hüseynov, 44. Elvin Cəfərquliyev, 10. Abdullah Zubir, 8. Marko Yankoviç, 2. Mateus Silva, 6. Julio Romao, 19. Redon Cica, 15. Leandro Andrade, 21. Aleksey Kaşuk,
Ehtiyat oyunçular: 99. Mateus Koxalski, 97. Fabian Buntiç, 12. Sadiq Məmmədzadə, 27. Toral Bayramov, 22. Musa Qurbanlı, 90. Nəriman Axundzadə, 29. Marko Veşoviç, 66. Patrik Andrade, 7. Yassin Benzia, 18. Olavio Juninyo, 11. Emmanuel Addai
Baş məşqçi: Qurban Qurbanov

Şamaxı şəhər stadionu

Bombardirlər: Felipe Santos ("Araz Naxçıvan"), Coy Lens Mikels ("Sabah") - 8 qol, Davit Volkov ("Zirə"), Leandro Andrade ("Qarabağ") - 7 qol.

İdman.biz