“Qarabağ”ın hücumçusu Juninyo İspaniyanın “Sevilya” klubuna mümkün transferi ilə bağlı yaranmış vəziyyəti ilk dəfə şərh edib.
İdman.biz xəbər verir ki, braziliyalı forvard bu barədə “Estadio Deportivo”ya danışıb.
Juninyo bildirib ki, hazırda bu məsələ onun əlində deyil: "Bu vəziyyət haqqında çox danışa bilmərəm. Çünki mənim “Qarabağ”la müqaviləm var. Mən tərəflərin razılığa gəlməsini gözləyirəm”.
Xatırladaq ki, mətbuatda yayılan məlumata görə, “Qarabağ” “Sevilya”nın 2 milyon avroluq ilk təklifi ilə kifayətlənməyib və tərəflər güzəştə getməyə çalışır. Juninyo 2026-cı il iyunun 30-na qədər "Qarabağ"a məxsusdur.
İdman.biz
