“Qarabağ”ın “Şamaxı”ya qarşı Misli Premyer Liqasında keçirəcəyi oyunların yeri dəyişdirilib.
İdman.biz xəbər verir ki, bunu Peşəkar Futbol Liqasının (PFL) mətbuat xidməti açıqlayıb.
Bu yerdəyişmə “Qarabağ”ın müraciəti, “Şamaxı”nın razılığı və PFL-in qərarı ilə gerçəkləşib. Ağdam klubunun Avropa Liqasının Liqa mərhələsindəki vacib qarşılaşmaya daha yaxşı hazırlaşması məqsədilə 3-cü dövrənin “Şamaxı” – “Qarabağ” oyunu ilə 4-cü dövrənin “Qarabağ” - “Şamaxı” oyunlarının yeri dəyişdirilib.
Klubların əvəzedici heyətlərinin təqvim oyunları ilə bağlı dəyişiklik yoxdur.
Qeyd edək ki, komandalar arasında hər iki oyun 2025-ci ildə baş tutacaq.
İdman.biz
