2024-cü il son saatlarını yaşayır və yerini Şərq təqvimində İlan ili hesab olunan “2025”ə verməyə hazırlaşır.
İdman.biz xəbər verir ki, Misli Premyer Liqasında mövsümün ilk yarısında meydana çıxan bəzi futbolçular üçün “ilan” doğma sayılır.
Söhbət bu heyvanla bağlı olan illərdə anadan olanlardan gedir. İlk 18 turda meydana çıxanlar arasında 21 belə futbolçu var.
Bu “ilan”lardan 19-u 2001, 2-si 1989-cu il təvəllüdlüdür. Cari mövsümdə meydana çıxan ən yaşlı futbolçular Riçard Almeyda (“Qarabağ”) və Kristian da Silva (“Turan Tovuz”) 36 yaşlarını qeyd edəcəkləri ildə 4-cü dəfə “ilan”la rastlaşacaq. Təbii ki, doğulduqları ili də saysaq.
Premyer Liqanın 10 klubundan 9-da ilin ilində doğulanlar forma geyinib. Yeganə istisna, “ilan”i çatmayan qalan “Neftçi”dir.
“Turan Tovuz”da hamıdan çox – 4 belə oyunçu var. “Qarabağ”la “Sumqayıt”da 3, “Araz-Naxçıvan”da “ilan” var. Digər 5 klubun hərəsində 2 futbolçu bu illər anadan olub.
Baş məşqçilər arasında da öz ilini qarşılayacaq mütəxəssis var. Bu, “Sumqayıt”ın gənc çalışdırıcısı Vaqif Cavadovdur. Riçard və Kristianın həmyaşıdı Premyer Liqa klubunun baş məşqçi kimi ilk yeni ilini qarşılayacaq.
İlan ilində anadan olan və cari mövsümdə meydana çıxanlar:
“Qarabağ”: Emmanuel Addai, Riçard Almeyda, Toral Bayramov
“Araz-Naxçıvan”: Turan Vəlizadə
“Turan Tovuz”: Aleks Souza, İsmayıl Zülfüqarlı, Kristian da Silva, Sergey Samok
“Zirə”: Ceyhun Nuriyev, İldar Alekperov
“Sabah”: Abdulax Xaybulayev, Neqoş Kupisoviç
“Sumqayıt”: Səbuhi Abdullazadə, Tresor Mossi, Uğur Cahangirov
“Şamaxı”: Elşad Tağıyev, Ramin Əhmədov
“Kəpəz”: Keverton Markolino, Viktor Braqa
“Səbail”: Nihad Quliyev, Rüfət Abdullazadə
İdman.biz
