Qış fasiləsində Rəhim Sadıqov və Cordan Rezabala kimi aparıcı futbolçuları itirən "Sumqayıt" heyəti gücləndirmək yönündə çalışmalarını davam etdirir.
İdman.biz Sport24.az-a istinadən xəbər verir ki, "kimyaçılar" yeni hücumçu ilə anlaşmaq üzrədir.
“Gənclik şəhəri" təmsilçisi yaxın günlərdə afrikalı forvardla müqavilə imzalayacaq. Onun milli üzvü olduğu, Avropa ölkələrinin birində legioner həyatı yaşadığı bildirilir.
Qeyd edək ki, XVIII turdan sonra aktivində 20 xal olan "kimyaçılar" qış fasiləsinə 6-cı pillədə yollanıb.
İdman.biz
