Portuqaliya millisinin və “Əl-Nəssr”in hücumçusu Kriştiano Ronaldonun vətənində onun təsviri olan kolleksiya sikkəsinin buraxılması planlaşdırılır.
İdman.biz xəbər verir ki, 7 avroluq sikkənin 25 min nüsxə buraxılacağı bildirilir.
Ancaq onun dəyəri dəfələrlə arta bilər. "Sportune" bu barədə numizmatika üzrə ekspert Den Barretin fikrinə istinadən xəbər verib.
Barret hesab edir ki, sikkənin dəyəri hətta 144 min avroya çata bilər. Ekspert əsas səbəb kimi sikkənin nadirliyini və “Portuqaliyada Ronaldonun müstəsna aurası”nı göstərir.
İdman.biz
