Futbol statistikası tək ən yaxşıları göstərmək üçün deyil. Rəqəmlər müxtəlif cəhətdən ən zəifləri də təqdim edə bilir.
İdman.biz Avropanın “böyük beşlik” çempionatlarında mövsümün 2024-cü ilini uğursuz başa vuran futbolçularını üzə çıxarıb.
Ötən turlarda ən çox qol imkanını qaçıran oyunçu Ollie Uatkinsdir. “Aston Villa”nın futbolçusu Premyer Liqada 17 dəfə fərqlənmək imkanını əldən verib.
Nikola Krstoviçin (“Leççe”) 29 zərbəsi qapıdan yan keçib. Antuan Semenyonun (“Bornmut”) da bir o qədər zərbəsi bloka alınıb.
Dirəyə tuş gələn zərbələr bir yandan gözəlliyi ilə seçilirsə, digər yandan qaçırılan 100 faizli qol şansı deməkdir. Robert Levandovski (“Barselona”) və Koul Palmer (“Çelsi”) hərəyə 5 dəfə qol şanslarını belə qaçırıblar.
Moyze Kin 31 dəfə offsayda düşdüyündən “Fiorentina”ın hücumları yarımçıq qalıb.
Ariyanet Muriçin 5 səhvi “İpsviç”in qapısına qol vurulması ilə nəticələnib. Dario Essuqo isə 6 səhvi sonrasında rəqiblərin “Las Palmas”ın qapısına zərbə endirməsinə şərait yaradıb.
Mark Quehi (“Kristal Pelas”), Kreyq Dauson (“Vulverhempton”) və Lautaro Canetti (“Udineze”) hərəyə 2 dəfə avtoqola imza atıblar.
Fakundo Buonanotte (“Lester”) 35 dəfə rəqiblərinin driblinqləri qarşısında acız qalıb.
Ötürməsini ən çox ünvana satdıra bilməyən Cordan Pikforddur. “Everton”un futbolçusu 262 dəfə ötürmələrdə səhvə yol verib.
Pedro Porro (“Tottenhem”) 333 dəfə topu itirib.
Lorenso Montipo (“Verona”) qapısında hamıdan çox – 41 qol görüb. Karl Heyn (“Valyadolid”) 35 dəfə cərimə meydançası daxilindən vurulan zərbələr qarşısında aciz qalıb. Patrik Dreves (“Boxum”) isə 9 dəfə cərimə meydançası xaricindən vurulan zərbələrin qola çevrilməsinə mane ola bilməyib.
Oyunlarda kobudluğa gəldikdə, Joao Qomes (“Vulverhempton”) 44 dəfə fola yol verib. Dominik Kohr (“Mayns”) və Abdelkabir Abqar (“Alaves”) 8 sarı vərəqə alıb. 8 futbolçuya hakimlər 2 dəfə qırmızı vərəqə göstərib. Onların sırasında Nadyem Amiri (“Mayns”) və Tommaso Pobeqa (“Bolonya”) mövsümdə üstəlik ən çox əlavə sarı vərəqə ilə də cəzalandırılıb – hərəyə 3 sarı.
Vüqar Məmmədov
İdman.biz
