Bu gün İtaliya Superkubokunun qalibi müəyyənləşəcək.
İdman.biz xəbər verir ki, Səudiyyə Ərəbistanında təşkil olunan turnirin finalında “İnter”lə “Milan” üz-üzə gələcək.
Son üç ildə Superkuboku başı üzərinə qaldıran “neradzurra” ardıcıl 4-cü uğur üçün mübarizə aparacaq. “İnter” istəyinə çatsa, tarixində 9-cu dəfə bu titulu qazanmaqla “Yuventus”un rekordunu təkrarlayacaq.
Sonuncu dəfə 2016-cı ildə Superkubok sevinci yaşayan “rossonyeri” isə 8-ci dəfə mükafata sahib çıxmaqla “İnter”ə çatmaq arzusundadır. “Milan” həm də iki il əvvəl Ər-Riyadda aldığı 0:3 hesablı məğlubiyyətin əvəzini çıxmağa çalışacaq.
Qeyd edək ki, yarımfinalda “İnter” “Atalanta”nı 2:0, “Milan” “Yuventus”u 2:1 hesabı ilə məğlub edib.
İtaliya Superkuboku
Final
6 yanvar
23:00. “İnter” – “Milan”
İdman.biz
