“Qarabağ”ın futbolçusu Olavio Junionyonun “Sevilya”ya transferinin yeni detalları üzə çıxıb.
İdman.biz xəbər verir ki, İspaniya mətbuatı razılaşmanın bəzi məqamlarını üzə çıxarıb.
“Qarabağ” braziliyalı hücumçu üçün 4 milyon avro tələb etsə də, “Sevilya” bunun yalnız 3 milyonunu ödəyəcək. Digər 1 milyonu isə Juninyo özü ödəyəcək.
Juninyonun “Sevilya”da olduğu müddətdə komanda qarşıdakı 4 ildə Çempionlar Liqasına yüksəlsə, hər belə mövsüm üçün “Qarabağ” əlavə 250 min avro alacaq. Ağdam klubu forvardın gələcək satışından da faiz əldə edəcək. Əgər Olavio 4 milyon avrodan baha satılsa, məbləğin 20 faizi Azərbaycan çempionuna çatacaq.
Qeyd edək ki, transferin yaxın günlərdə rəsmiləşəcəyi gözlənilir.
İdman.biz
