Əslən Azərbaycandan olan Ruslan Fişenko “Rodina”ya qayıdıb.
İdman.biz Sportal.az-a istinadən xəbər verir ki, 24 yaşlı yarımmüdafiəçi mövsümün əvvəlində icarə əsasında “Çernomorets”(Novorossiyk) klubuna keçmişdi. Amma o, bu komandada mövsümün sonuna qədər qalmayaraq, “Rodina”ya geri qayıtmaq qərarına gəlib.
AFFA-nın milli komandamıza cəlb etmək istədiyi Fişenko 2026-cı il iyunun 30-na qədər hazırkı komandasına məxsusdur.
Əlavə edək ki, Fişenkonun “Qarabağ” və “Neftçi”yə keçmək ehtimalı da olub. O, vaxtı ilə U-19 yığmamızın toplanışında iştirak edib. Ruslan ÇSKA (Moskva) klubunun akademiyasının yetirməsidir və “Rostov”, “Veles”(Moskva), Ufa komandalarında oynayıb.
İdman.biz
