"Qarabağ"ın futbolçusu Juninyo Olavionun "Sevilya"ya keçidi alınmayıb.
İdman.biz xəbər verir ki, bu barədə El Chiringuito TV-nin əməkdaşı Qonsalo Tortosa məlumat yayıb.
Onun sözlərində görə, Braziliyanın "Flamenqo" klubunun təklifi həm "Qarabağ", həm də 28 yaşlı futbolçunu razı salıb. Juninyo öz ölkəsində çıxış edəcəyi təqdirdə "Sevilya"dakından daha yüksək maaş alacaq. Artıq Andalusiya təmsilçisinin də təcrübəli forvardın transferindən vaz keçdiyi bildirilib.
Qeyd edək ki, "Sevilya" "Qarabağ"a 4 milyonluq transfer təklifi paketi ilə müraciət etsə də, Ağdam klubu buna müsbət cavab verməyib.
İdman.biz
