Bu gün Misli Premyer Liqasında mövsümün ikinci yarısına hazırlaşan klubların iştirakı ilə yoxlama oyunlarına start verilib.
İdman.biz xəbər verir ki, çempionatın lideri “Qarabağ” autsayderlər qrupunda yer alan “Kəpəz”lə üz-üzə gəlib.
Qarşılaşma “Azərsun Arena”da keçirilib. Media nümayəndələri üçün açıq, azarkeşlər üçün qapalı olan matç Ağdam klubunun böyükhesablı qələbəsi ilə başa çatıb. İlk 45 dəqiqədə 4 cavabsız qola sevinən Qurban Qurbanovun yetirmələri 5:1 hesablı qələbə qazanıblar.
Qeyd edək ki, “Qarabağ” növbəti oyununu yanvarın 12-də “Zirə”yə qarşı keçirəcək.
Yoxlama oyunu
9 yanvar
14:00. “Qarabağ” – “Kəpəz” - 5:1
Qollar: Aleksey Kaşuk (3), Emmanuel Addai, Davud Məsumov - Ehtiram Şahverdiyev
“Azərsun Arena”
İdman.biz
