Türkiyənin Antalya şəhərində təlim-məşq toplanışında olan hakimlərimiz daha iki yoxlama oyununu idarə ediblər.
İdman.biz xəbər verir ki, bu gün ədalət təmsilçilərimiz iki görüşdə fit çalıblar.
“Maqdeburq” və Kiyev “Dinamo”su arasında görüşdə Rauf Allahverdiyev, “Novi Pazar”la “Gangwong”un U-23 komandasının duelində isə Əkbər Əhmədov baş hakim olub.
Qeyd edək ki, hakimlərimizin Antalyadakı təlim-məşq toplanışı yanvarın 12-nə kimi davam edəcək.
Yoldaşlıq oyunları
“Maqdeburq” (Almaniya) – “Dinamo” (Kiyev, Ukrayna) – 3:1
Baş hakim: Rauf Allahverdiyev
Baş hakimin köməkçiləri: Rəhman İmami, Tərlan Talıbzadə
“Novi Pazar” (Serbiya) – “Gangwong” U-23 (Cənubi Koreya) – 1:1
Baş hakim: Əkbər Əhmədov
Baş hakimin köməkçiləri: Teymur Teymurov, Kərim Zeynalov
İdman.biz
