Coşqun Diniyevin çıxış etdiyi "Bandırmaspor"un Türkiyə 1-ci Liqasındakı uğursuz çıxışı davam edir.
İdman.biz xəbər verir ki, komandanın qələbəsiz oyunlar seriyası 4-ə yüksəlib.
Bandırma təmsilçisi 19-cu turda "Pendikspor"un qonağı olub. Diniyevin komandası məğlubiyyətdən 90+6-cı dəqiqədə qaça bilib - 1:1. Start heyətində yer alan Coşqun oyunu əvəzedilmədən keçirib.
Qeyd edək ki, son 4 oyunda 3 dəfə heç-heçə oynayıb, 1 dəfə uduzan "Bandırmaspor" 34 xalla 2-ci pillədə qərarlaşıb. Bir oyun çox keçirən bandırmalılar liderdən 4 xal geri qalırlar.
İdman.biz
