“Qarabağ”ın futbolçusu Olavio Juninyo karyerasını Braziliyada davam etdirəcək.
İdman.biz Braziliya mətbuatına istinadən xəbər verir ki, 28 yaşlı forvardın “Flamenqo”ya keçidi razılaşdırılıb.
Ağdam klubu hücumçunun transferinə “hə” deyib. “Flamenqo” Juninyo üçün 5 milyon avro ödəyəcək. Cənubi Amerika təmsilçisi hücumçunun özü ilə müqavilənin detallarını razılaşdırdıqdan və tibbi müayinədən sonra müqavilə imzalanacağı gözlənilir.
Qeyd edək ki, bunadək “Sevilya”ya keçməyə yaxın olan Juninyo klublar arasında razılıq əldə olunduqdan sonra fikrindən dönmüşdü.
İdman.biz
