Kriştiano Ronaldo daha bir mövsüm Səudiyyə Ərəbistanında qalacaq.
İdman.biz xəbər verir ki, "Əl-Nəsr" 39 yaşlı hücumçu ilə müqavilənin müddətini 2026-cı ilin iyununa qədər uzatmaq üçün ilkin razılığa gəlib.
Bu barədə jurnalist Mutab Əl-Avad məlumat yayıb.
Ronaldo yeni müqaviləyə əsasən, ilinə 200 milyon avro qazanacaq. Onun həftəlik qazancı, təxminən 3,8 milyon avro olacaq.
Portuqaliyalı futbolçunun Ər-Riyad klubu ilə hazırkı müqaviləsi bu mövsümün sonunda başa çatır.
Qeyd edək ki, Ronaldo cari mövsüm Səudiyyə Ərəbistanı çempionatında 13 oyun keçirib və 11 qol vurub.
İdman.biz
