"Turan Tovuz" daha bir futbolçunun keçidini həll edib.
İdman.biz Sport24.az-a istinadən xəbər verir ki, "boz qurdlar" legioner forvardla ortaq məxrəcə gəlib.
Söhbət mövsümün ilk yarısını Portuqaliya II Liqasında çıxış edən "Şaviş"in formasını geyinən brazliyalı Jodan gedir. 1,92 metr boya malik hücumçu ilə ilyarımlıq müqavilə imzalanacağı nəzərdə tutulub.
Qeyd edək ki, karyerası ərzində vətəni ilə yanaşı, Yaponiya və Portuqaliyada çıxış edən futbolçu cari mövsümdə 6 oyunda meydana çıxıb və 1 qolla yadda qalıb.
İdman.biz
