"Turan Tovuz"un mövsümün ilk yarısındakı çıxışını yüksək qiymətləndirirəm".
İdman.biz xəbər verir ki, bunu Qərb təmsilçisinin veteran futbolçusu Kamal Ələkbərov Sportal.az saytına açıqlamasında deyib.
O, Tovuz klubunun Misli Premyer Liqasındakı performansını dəyərləndirib. Ələkbərovun fikrincə, Kurban Berdiyevin rəhbərlik etdiyi kollektivin mövsümün ilk yarısındakı çıxışı müsbətdir:
"Turan Tovuz" hazırda turnir cədvəlində üçüncü pillədədir. Təbii ki, komandanın mövsümün ilk yarısındakı çıxışını yüksək qiymətləndirirəm. Komanda qış toplanışı üçün də Türkiyəyə yollanmışdı. Əlbəttə ki, bu məqam komandaya müsbət təsir göstərəcək".
Qərb təmsilçisinin sabiq futbolçusu fasilədən sonra komandadan gözləntilərini də dilə gətirib: "Qarşıda komandanı mövsümün ikinci yarısı gözləyir. Təbii ki, ikinci hissə ilk dövrədən daha çətin olacaq. Yeni transferlər də cəlb olunub. Mövsümün ilk yarısındakı əzmkarlıq üzərinə daha keyfiyyətli futbolçuların gəlməsi komandanın iddiasını da artıracaq. "Turan Tovuz"a uğurlar arzulayıram".
İdman.biz
