Futbolçular Antuan Qrizmann və Brahim Diaz içki brendinin sahibi olublar.
İdman.biz xəbər verir ki, "Atletiko Madrid"in hücumçusu və "Real"ın yarımmüdafiəçisi WTR ONE vitaminləşdirilmiş içkini alıblar.
İçki İsveçdəki təbii bulaqların suyundan hazırlanır. WTR ONE vitamin və minerallarla zənginləşdirilib və fəal və sağlam həyat tərzini dəstəkləmək üçün nəzərdə tutulub.
Brendin moruq (E, D və B12 vitaminləri ilə), limon (B vitaminləri və sink ilə) və şaftalı (E vitamini, sink və çay ekstraktı) dadlı içkiləri var.
Hər içkinin immunitet sistemini gücləndirməkdən tutmuş konsentrasiyanı yaxşılaşdırmağa və enerjini bərpa etməyə kimi müəyyən bir funksiyaya xidmət etdiyi bildirilir.
İdman.biz
