“Zirə”nin ev sindromu

Misli Premyer Liqasının XIX turunun ikinci gününə “Zirə” – “Araz-Naxçıvan” oyunu ilə start veriləcək.

İdman.biz xəbər verir ki, komandalar ölkə çempionatları tarixində 7-ci dəfə üz-üzə gələcək.

Əvvəlki 6 oyunda üstünlük Naxçıvan klubunun tərəfindədir. 3 qələbəsi olan bölgə təmsilçisi 2 heç-heçə edib və 1 dəfə uduzub. Top fərqində isə bərabərlik hökm sürür – 4-4.

Öz meydanında qələbəsi olmayan “Zirə” evdə qol da vurmayıb. Son 5 qarşılaşmada qonaq olan komanda uduzmayıb.

Qeyd edək ki, matç saat 16:00-da başlayacaq.

İdman.biz