Çempionlar Liqasının Liqa mərhələsinin VII turunun ilk günü statistik məqamlarla zəngin olub.
İdman.biz xəbər verir ki, İFFHS qeydə alınan ilklər, rekordlar və maraqlı faktlarla bağlı hesabat təqdim edib.
* "Liverpul" və "Barselona" 1/8 finala vəsiqə qazanan ilk iki komanda olub.
* "Liverpul" "Lill"ə 2:1 hesabı ilə qalib gəlib. Fransa klubları Çempionlar Liqasında İngiltərə komandalarına qarşı keçirdikləri son 10 səfər oyununun hamısında məğlub olub.
* “Lill” 17 sentyabr 2024-cü ildə “Sportinq”ə uduzduqdan sonra ilk dəfə rəsmi oyununda məğlub olub və 21 matçlıq seriyası qırılıb.
* Məhəmməd Salah “Enfild”də “Liverpul”un forması ilə Çempionlar Liqasında vurduğu qolların sayını 20-yə çatdırıb. İngiltərə komandası üçün yalnız 2 oyunçusu ÇL-də eyni stadionda daha çox qol vurub:
Ruud van Nistelroy (“Mançester Yunayted”, “Old Trafford”da 23),
Serxio Agüero (“Mançester Siti”, “Etihad”da, 23).
* Conatan Davidin qolu “Liverpul”un Çempionlar Liqası matçında say üstünlüyü ilə buraxdığı ilk topdur.
* Conatan David 2000/01 mövsümündə “Anderlext” forması geyinən Tomas Radzinskidən sonra Çempionlar Liqası mövsümündə 5 qol vuran 2-ci kanadalı oyunçudur.
* “Atletiko”nun “Bayer”ə 2:1 hesabı ilə qalib gəldiyi matçda dubla imza atan Xulian Alvaresin ilk qolu komandasının ÇL tarixində azlıqda vurduğu 1-ci topdur.
* Alvaresin ikinci qolu “Atletiko”nun cari mövsümdə 9-cu matçıdır ki, qələbə topu 90-cı və uzatma dəqiqələrində vurulub.
* Bu, həm də “Atletiko”nun mövsüm ərzində bütün yarışlarda qazandığı 8-ci əzmkar qələbədir.
* “Monako” “Aston Villa” matçında (1:0) qol vuran Vilfrid Sinqo son 57 ildə yanvarda Çempionlar Liqası qolu vuran ilk futbolçudur. Sonuncu dəfə 1968-ci il yanvarın 31-də "Yuventus"un "Ayntraxt”la (Braunşveyq) görüşündə italiyalı Covanni Sakko buna nail olub.
* “Brügge” – “Yuventus” qarşılaşması (0:0) 23 oktyabr 2012-ci ildən sonra çərçivəyə yalnız bir zərbə vurulan ilk Çempionlar Liqası matçıdır. Həmin vaxt “Lill”lə “Bavariya”nın oyununda belə hadisə yaşanıb.
* “Bolonya” – “Borussiya”ya (Dortmund) 2:1 hesabı ilə qalib gələrək Çempionlar Liqasında ilk qələbəsini qazanıb.
* “Bolonya” sonuncu dəfə UEFA yarışında 7 avqust 2002-ci ildə qalib gəlib. Həmin vaxt İntertoto kubokunun yarımfinalında “Teplitse” 3:1 hesabı ilə məğlub edilib.
* “Srvena Zvezda” - PSV oyununda (2:3) qonaqlar küncdən zərbələrdən 3 qol vurub. Bu, Çempionlar Liqasının XXI əsrdəki matçlarında 5-ci belə hadisədir. 2007-ci ildə “Milan”, 2013-cü ildə PSJ, 2017 və 2023-cü illərdə “Mançester Siti” bunu bacarıb.
* PSV 1978-ci ilin sentyabrından sonra Çempionlar Liqası/Çempionlar kuboku matçında ən erkən 2:0 üstünlüyünü 23 dəqiqəyə əldə edib. 1978-ci ildə “Fənərbaxça”ya qarşı 22 dəqiqədən sonra eyni üstünlük qazanılıb.
* “Slovan” – “Ştutqart” görüşündə (1:3) fərqlənən Ceymi Lyuelinq 2007-ci ildə Mario Qomesin "Lion"la oyunda qol vurmasından sonra "Almaniya klubunun Çempionlar Liqasında qol vuran ikinci oyunçusudur. Bu, həm də onun “Ştutqart” forması geyindiyi ilk oyundur.
* "Atalanta"nın "Şturm" üzərində qələbəsində (5:0) pay sahibi olan Şarl De Ketelaere Çempionlar Liqasının bir mövsümündə “qol+assist” sayında ən çox xal yığan belçikalı olub. O, 7 oyunda 4 qol və 5 məhsuldar ötürmə ilə rekordu 9-a çatdırıb. Bunadək rekord 2022/23 mövsümündə “Mançester Siti”də 2 qol və 6 assistə imza atan Kevin de Bruyneni keçib.
* “Atalanta” Çempionlar Liqası matçında 5 fərqli futbolçusu qol vuran 5-ci İtaliya komandasıdır. 2003-cü ildə “Yuventus” (“Olimpiakos”la), 2004-cü ildə "İnter" (“Valensiya” ilə), 2009-cu ildə “Fiorentina” (“Debretsen”lə), 2022-ci ildə “Napoli” (“Ayaks”la) bunu bacarıb.
İdman.biz
