"Səfərdə oynadığımız üçün "Qarabağ" favorit hesab olunur, amma biz buna baxmırıq".
İdman.biz xəbər verir ki, bunu Avropa Liqasının Liqa mərhələsinin VII turu çərçivəsində keçiriləcək "Qarabağ" – FCSB (Rumıniya) matçından öncə təşkil edilən mətbuat konfransında FCSB-nin futbolçusu Coskim Dava deyib.
28 yaşlı müdafiəçi bildirib ki, sabah uğurlu nəticə əldə etmək üçün əlindən gələni edəcək: "İkinci dəfədir ki, burada oluram. İnanıram ki, sabah yaxşı nəticə əldə edəcəyik. Biz optimistik. Bakıya qələbə üçün gəlmişik. Sabahki oyun bizə növbəti matçlar üçün motivasiya olacaq".
Qeyd edək ki, yanvarın 23-də Tofiq Bəhramov adına Respublika stadionunda keçiriləcək “Qarabağ” – FCSB görüşü saat 21:45-də başlayacaq.
Aytac Sahəd
İdman.biz
