"Sabahkı oyun çətin olacaq".
İdman.biz xəbər verir ki, bunu Avropa Liqasının Liqa mərhələsinin VII turu çərçivəsində keçiriləcək "Qarabağ" – FCSB (Rumıniya) matçından öncə təşkil edilən mətbuat konfransında qonaq komandanın baş məşqçisi Elias Xaralambous deyib.
Kiprli mütəxəssis "Qarabağ"la matça yaxşı hazırladıqları nə deyib: "Əvvəlcə Abdolbari Gozalın vəfatı ilə bağlı "Qarabağ" a başsağlığı vermək istəyirəm. Sabahkı oyuna gəldikdə isə matçın çətin keçəcəyini düşünürəm. Rəqib komandanın baş məşqçisi çox təcrübəlidir. Ola bilər ki, "Qarabağ" la oyun "Mançester Yunayted"lə görüşdən daha çətin keçsin. Biz statistikalara baxsaq, komandamızın yaxşı vəziyyətdə olduğunu deyə bilərik. Sabah əlimizdən gələni edəcəyik".
- Hazırda komandada mental vəziyyət necədir?
- Əgər biz statistikalara baxsaq, demək olar ki, komandamız yaxşı vəziyyətdədir. Çalışacağıq ki, bu göstəriciləri sabah meydanda da nümayiş etdirək.
- Çox güman, "Qarabağ" ın oyunlarını izləyərkən Olavia Juninyonu hücum xəttinin ən güclü futbolçularından olduğunu görmüsünüz. Juninyonun transferindən sonra hansı futbolçunun problem yaradacağına düşünürsünüz?
- Juninyonun gedişindən xəbərimiz var. Fikrimcə, bunun bizə çox təsiri olmayacaq. Həmçinin bir oyunçunun gedişinin "Qarabağ" a da ciddi təsir edəcəyini düşünmürəm. Çünki hər komandanın başqa alternativləri olur. Üstəlik, bizim də heyətlə bağlı problemlərimiz var. Məsələn, keçən həftə kapitanımız zədələndi. Həmçinin digər zədəli oyunçularımız da var. Ancaq çalışacağıq ki, bu bizim oyun texnikamıza təsir etməsin.
- Sabah oynayacaq heyəti klub rəhbəri Cici Bekali açıqladı. Sizcə, bu nə qədər etikdir?
- Hər kəsin yanaşması fərqlidir. Bütövlükdə bu bizim sabahkı oyunumuzun nəticəsinə təsir etməyəcək. Fərqli yanaşmalar ola bilər.
- Komandada sarı vərəqəsi olanlar var. Siz onlara ehtiyatlı olmaları barədə tapşırıq vermisinizmi?
- Bu, növbəti oyunda bizə çox vacibdir. Ümid edək ki, orada sarı vərəqə olmayacaq. Açığı, siyahıya tam baxmamışam ki, kimləri sarı vərəqəsi var.
- Rəqib komandanın baş məşqçisi artıq 16 ildir ki, bu postdadır. Siz də bu qədər müddət komandanın başında qalmaq istəyərdinizmi?
- Bizim sabaha sığortamız yoxdur. Ancaq niyə də olmasın? Mən bu klubda olmaqdan məmnunam. Əgər qismət olarsa, məmnuniyyətlə burada işləmək istəyərəm.
Qeyd edək ki, yanvarın 23-də Tofiq Bəhramov adına Respublika stadionunda keçiriləcək “Qarabağ” – FCSB görüşü saat 21:45-də başlayacaq.
Aytac Sahəd
İdman.biz
