"Sabah"dan ayrılan Elvin Camalov karyerasını “Neftçi”də davam etdirəcək.
İdman.biz xəbər verir ki, bu barədə "ağ-qaralar"ın mətbuat xidməti açıqlama yayıb.
29 yaşlı dayaq yarımmüdafiəçisi ilə 1,5 + 1 il şərti ilə müqavilə bağlanıb. Elvin “Neftçi”də 4 nömrəli formanı geyinəcək.
Qeyd edək ki, “Qəbələ”nin yetirməsi olan Camalov “Zirə” və “Sabah” klublarında da çıxış edib. Sonuncu klubu “Sabah”ın kapitanı olmuş təcrübəli futbolçu 2018/19 mövsümündə “Qəbələ” ilə Azərbaycan kubokunun qalibi olub. O, milli komandamızın heyətində 20 oyun keçirib.
İdman.biz
