Yanvarın 29-da UEFA Çempionlar Liqasının ümumi mərhələsinin 8-ci turunun 18 oyununda futbolçular 64 qol vurublar.
İdman.biz xəbər verir ki, “Opta Sport”un məlumatına görə, bu, XXI əsrdə ən yüksək, turnirin bütün tarixi ərzində isə ikinci göstəricidir.
Beləliklə, bir oyun gününün rekordu Çempionlar kuboku-1970/71-in birinci mərhələsində 16 matçda 66 qolun vurulduğu 1970-ci il sentyabrın 16-da qeydə alınıb.
Qeyd edək ki, Çempionlar Liqası 2024/25-ci illər mövsümünün pley-off mərhələsinin püşkü yanvarın 31-də atılacaq.
İdman.biz
