Çempionlar Liqasının (ÇL) Liqa mərhələsinin VIII turu statistik məqamlarla yadda qalıb.
İdman.biz xəbər verir ki, İFFHS günün matçlarında qeydə alınan rekordlar, ilklər və diqqətçəkən faktlarla bağlı hesabat hazırlayıb.
Yanvarın 29-da ÇL-də 64 qol vurulub. Bu turnirin tarixində ikinci ən məhsuldar gündür. Yarışın Çempionlar kuboku (ÇK) adlandığı dövrü də nəzərə alsaq, yalnız bir gün daha çox qol vurulub. 16 sentyabr 1970-ci ildə 66 qol qeydə alınıb.
"Lill" - "Feyenoord" (6:1) qarşılaşmasında qonaqlar ÇK/ÇL tarixinə bir oyunda 3 avtoqol vuran ilk komanda olub.
Gernot Trauner (“Feyenoord”) yarışın tarixində bir matçda 2 avtoqol vuran ilk oyunçudur.
“Feyenoord” ÇL-in cari mövsümündə 4 avtoqol vurmaqla “Jirona”ya çatıb. Hər iki komanda bir mövsüm ərzində öz qapısına ən çox qol vuran klub adına sahib olub. Əvvəlki rekordçu “Fənərbaxça” idi – 2007/08 mövsümündə 3 avtoqol.
“Feyenoord” ÇK/ÇL tarixində ən böyükhesablı məğlubiyyət antirekordunu təkrarlayıb. Niderland klubu 1965-ci ildə “Real”a 0:5 hesabı ilə uduzub.
“Feyenoord” klub tarixində ilk dəfə avrokubok oyununda 6 qol buraxıb.
"Lill" tarixində ilk dəfə ÇK/ÇL matçında 6 qol vurub.
Santyaqo Ximenes indi ÇK/ÇL-da “Feyenoord”un ən məhsulrar üçüncü bombardiridir - 7 qol. Van Hanegem (10) və Şonmaker (8) onu qabaqlayır, Kindvall və Tomasson da 7 qola sevinib.
Ximenes 1988/89-da Huqo Sançes və 2015/16-da Xavyer Ernandesdən sonra ÇK/ÇL mövsümündə 5 qol vuran üçüncü meksikalı oyunçu olub.
"Ştutqart"la görüşən PSJ (1:4) də dörd qol vurub. ÇL tarixində ikinci dəfə iki Fransa klubu eyni gündə ən azı 4 qol vurub. 8 dekabr 2004-cü ildə “Lion” və “Monako” müvafiq olaraq, “Sparta” və “Deportivo”nu eyni – 5:0 hesabı ilə məğlub edib.
Usman Dembele peşəkar karyerasında 2-ci dəfə het-trik edib. O, 6 mart 2016-cı ildə “Renn”in heyətində “Nant”la qarşılaşmada fərqlənib.
ÇL-də 5-ci dəfə PSJ-nin oyunçusu het-trik edib. Bunadək Zlatan İbrahimoviç, Layvin Kurzava, Kilian Mbappe və Neymar fərqlənib.
"İnter" "Monako"nu 3:0 hesabı ilə məğlub edib. İtaliya klubu 2016-cı ilin sentyabrında “Atletiko”dan sonra ÇL-də ardıcıl 6 ev oyununda qapısını toxunulmaz saxlayan ilk komandadır.
“İnter” 2005-ci ilin sentyabrında belə seriyaya imza atan “Yuventus”dan sonra bunu edən ilk İtaliya komandasıdır.
Lautaro Martines “İnter”in ÇL-dəki bombardiri Sandro Mazzolaya çatıb - 17 qol.
Lautaro Martines Samuel Etoodan sonra (29 sentyabr 2010-cu il “Verder”ə qarşı) sonra ÇL-də "İnter"in forması ilə het-trik edən ilk oyunçudur.
“Yanq Boyz” – “Srvena Zvezda” matçında (0:1) ortalama yaşı 24 il 201 gün olan İsveçrə təmsilçisi ÇL tarixinin ən gənc start heyətində meydana çıxıb.
"Bavariya" "Slovan"a 3:1 hesabı ilə qalib gələrək ÇL-in qrup və liqa mərhələlərində 34 ev oyununda (32 qələbə, 2 heç-heçə) uduzmur. Bu yarışın tarixində ən uzun seriyadır. “Barselona” 2009-2020-ci illər arasında 33 oyunluq seriyaya sahib idi.
"Borussiya” D - "Şaxtyor" görüşündə (3:1) fərqlənən Serj Guirassi bu mövsüm ÇL-də orta hesabla hər 51 dəqiqədən bir qol və ya məhsuldar ötürmə etdi (9 qol +2 assist). Bu, 300+ dəqiqə oynamış istənilən oyunçular arasında ən yaxşı nəticədir.
“Dinamo” Z – “Milan” oyununda (2:1) iki top buraxan qonaqlar ÇL-in eyni mövsümündə ardıcıl iki matçda 2+ qol buraxıb. Bunadək “Real” da italiyalılara 2 top vurub. Milanın eyniadlı klubu sonuncu dəfə 2011/12 mövsümündə belə seriyaya imza atıb ki, onda 3 belə görüş olub.
"Yuventus" - "Benfika" qarşılaşmasında (0:2) qol vurmayan İtaliya klubu ÇL-in cari mövsümündə 4-cü dəfə meydanı qolsuz tərk edib. Bu, Turin klubunun 2014/15 və 2003/04-də mövsümlərindəki antirekodunun təkrarıdır.
"Brügge"ni 3:1 hesabı ilə məğlub edən "Mançester Siti" ÇL-də keçirdiyi son 35 ev oyununda məğlub olmayıb - 30 qələbə, 5 heç-heçə. Yalnız “Bavariya” (1969-1991-ci illərdə 43 oyun) və “Barselona” (2013-2020-ci illərdə 38 oyun) evdə daha uzun məğlubiyyətsiz seriyaya malikdir.
İdman.biz
