Xorxe Sampaoli "Renn"in baş məşqçisi vəzifəsindən ayrılıb.
İdman.biz xəbər verir ki, Fransa klubu 64 yaşlı mütəxəssislə qarşılıqlı razılıq əsasında əməkdaşlığa son verdiyini açıqlayıb.
Argentinalı 2024-cü ilin noyabrında "Renn"in baş məşqçisi təyin olunmuşdu. Onun rəhbərliyi ilə 10 oyun keçirən komanda 3 qələbə qazanıb və beşi ardıcıl olmaqla 7 dəfə uduzub.
Mövsümün sonuna kimi "Renn"i seneqallı Habib Beye çalışdıracaq. Nəticələr qənaətbəxş olsa, müqavilə daha bir il müddətinə uzadıla bilər.
"Renn" Liqa 1-də 19 oyundan 17 xalla turnir cədvəlinin 16-cı pilləsində qərarlaşıb.
İdman.biz
