Azərbaycanlı futbolçular Renat Dadaşov və Həsən Nəzərlinin çıxış etdiyi "Ankaragücü" yeni baş məşqçi ilə anlaşıb.
İdman.biz xəbər verir ki, Ankara təmsilçisinə Mustafa Dalçı rəhbərlik edəcək.
Bu, Türkiyə 1-ci Liqasında mübarizə aparan komandada 2024/2025 mövsümündə 4-cü baş məşqçi təyinatı olub. Çempionata Cihan Arslanla başlayan "Ankaragücü" sonradan Kenan Kocak və Kemal Özdeşlə əməkdaşlıq edib. Özdeşin rəhbərliyi ilə ankaralılar liqada meydana çıxdıqları 6 oyunun dördündə uduzublar, ikisində isə qələbə qazanıblar.
Qeyd edək ki, Kemal Özdeş Renat Dadaşovu 10 gün əvvəl əsas heyətdən uzaqlaşdırıb. Onun komandanı tərk edəcəyi xəbərləri yayılıb.
İdman.biz
