Buffon İnzaginin komandasına keçə bilər.
İdman.biz xəbər verir ki, əfsanəvi qapıçı Canluici Buffonun oğlu Luis hazırda "Piza"nın U-19 komandasında çıxış edir.
17 yaşlı futbolçu bu mövsüm artıq 4 qol vurub.
"Piza"nın əsas komandasını isə “Milan”ın əfsanəsi Filippo İnzagi çalışdırır. “La Gazetta dello Sport”un məlumatına əsasən, məşqçi heyəti gənc vingerlə gücləndirmək niyyətindədir.
"Piza" hazırda B Seriyasında 2-ci yeri tutur və yüksək liqaya çıxmağa əsas namizədlərdən biridir.
İdman.biz
