"Ağır oyun alındı. Hər iki komanda yaxşı mübarizə apardı.Komanda düşündüklərimizi meydanda verməyə, yaxşı iş göstərməyə çalışrıdıl. Yola davam etmək lazımdır".
İdman.biz xəbər verir ki, bunu "Araz-Naxçıvan"ın baş məşqçisi Elmar Baxşıyev səfərdə "Turan Tovuz"la (0:1) matçdan sonra keçirilən mətbuat konfransında deyib.
Mütəxəssis qırmızı vərəqə epizodu ilə bağlı da fikirlərini bildirib: "Təkrara baxım. Orada heç sarı vərəqəlik bir şey yox idi. İki tur öncə demişdim ki, bizi bu şəkildə sıxışdırmaq istəyirlərsə, alınmayacaq. Komanda möhkəmdir, meydanda layiqli cavab verəcək. "Kəpəz"lə matçın 3-cü dəqəsində VAR-a baxmadılar. Amma sonradan görürük ki, penaltilik epizod idi. Davam etmək lazımdır".
Baş məşqçi vurğulayıb ki, heç bir komandanın haqqının yeyilməsini istəməzlər: "Futbol ədalət tələb edir. Futbolda varlı, kasıb anlaşıyı olmamalıdır. Bəlkə də onların fərqli gördükləri, düşündükləri var. Sınmaq olmaz, istədiyimizə çatmaq üçün yolumuza davam etmək lazımdır".
İdman.biz
