Tarazlığı kim pozacaq?

Misli Premyer Liqasının XXIV turunun ikinci günü “Araz-Naxçıvan” – “Səbail” oyunu ilə start veriləcək.

İdman.biz xəbər verir ki, bu, iki komanda arasında 7-ci çempionat matçı olacaq.

Əvvəlki 6 görüşdə mütləq tarazlıq hökm sürür. Hərəyə 2 qələbəsi olan rəqiblər eyni sayda da heç-heçə edib. Tərəflər qol sayında da bərabərdir – 8-8.

“Səbail” bütün səfər oyunlarında qol vurub. “Araz-Naxçıvan” son iki qarşılaşmada qalib gəlib.

Qeyd edək ki, qarşılaşma saat 16:00-da başlayacaq.

İdman.biz