Azərbaycan yığmasının müdafiəçisi Zamiq Əliyev Albaniya kubokunun yarımfinalına yüksəlib.
İdman.biz xəbər verir ki, onun çıxış etdiyi "Eqnatiya" 1/4 finalda "Bilis"i mübarizədən kənarlaşdırıb.
Səfərdə 3:1 hesabı ilə qalib gələn Zamiqin komandası cavab matçında doğma azarkeşlər qarşısında eyni uğuru təkrarlaya bilməyib. Görüş 2:2 hesabı ilə yekunlaşıb. 90 dəqiqə meydanda olan Əliyev 1-ci hissədə sarı vərəqə ilə cəzalanıb.
Qeyd edək ki, "Eqnatiya"nın növbəti rəqibi 1/4 final mərhələsi başa çatdıqdan sonra bəlli olacaq.
İdman.biz
