“İmişli” legioner futbolçusu Gilyerme Silvanın xidmətindən məhrum olub.
İdman.biz xəbər verir ki, buna səbəb AFFA-nın İntizam Komitəsinin qərarıdır.
Legioner 4 oyunluq diskvalifikasiya edilib. Buna I Liqada XVII turun “İmişli” – “Mingəçevir” oyununda baş verənlər səbəb olub.
Gilyerme Silva görüşün 87-ci dəqiqəsində təcavüzkar davranışa görə birbaşa qırmızı vərəqə alıb. Buna gorə futbolçunun özü 4 oyun cəzalandırılıb. “İmişli” isə 300 manat cərimə ödəyəcək.
Qeyd edək ki, bu qarşılaşmada Əsasnamənin tələbi pozulduğuna görə meydan sahibi klub 50 manat cərimələnib.
İdman.biz
