Brunu Fernandeş “Mançester Yunayted”in heyətində Premyer Liqadakı assist sayını 50-yə çatdırıb.
İdman.biz xəbər verir ki, portuqaliyalı yarımmüdafiəçi “qırmızı şeytanlar”ın tarixində Premyer Liqada 50 və daha çox məhsuldar ötürmə edən 6-cı futbolçu olub.
O, 5-ci sıradakı Erik Kantonadan 1 assist geri qalır. Rekord isə Rayan Giqqzə məxsusdur – 162. Ueyn Runinin 93, Devid Bekhemin 80, Pol Skoulzun 55 assisti var.
Qeyd edək ki, Brunu “Lester”lə dünən keçirilən oyunda (3:0) qol və 2 assistə imza atıb.
İdman.biz
