Niderland millisinin keçmiş üzvü Kuinsi Promes İslamı qəbul edib.
İdman.biz xəbər verir ki, 33 yaşlı futbolçu ötən ilin martında Birləşmiş Ərəb Əmirliklərində həbs olunduqdan sonra dinini dəyişmək qərarına gəlib.
2024-cü ilin martında Avropa ölkəsində narkotik qaçaqmalçılığı işində təqsirli bilinən və 6 il müddətinə azadlıqdan məhrum edilən Promes onun ekstradisiyasında israrlı olan Niderland prokurorluğunun tələbi ilə BƏƏ-də həbs edilib. O, mayda girov müqabilində həbsdən buraxılıb, lakin ekstradisiya tələbi ilə bağlı qərar verilənə qədər ölkədən çıxışına qadağa qoyulub.
Qeyd edək ki, Promes 2014-2021-ci illərdə Niderland millisində 50 oyuna 7 qol vurub. Vaxtilə Moskva "Spartak"ı, "Sevilya" və "Ayaks"ın formasını geyinən futbolçu 2024-cü ildən BƏƏ-nin 1-ci divizion klubu "Dubai United"də çıxış edir.
İdman.biz
