AFFA-nın İntizam Komitəsinin iclası keçirilib.
İdman.biz xəbər verir ki, yığıncaqda Misli Premyer Liqasının XXVII turunun oyunları ilə bağlı qərarlar verilib.
“Kəpəz” – “Qarabağ” oyunu bitdikdən sonra qonaqların azarkeşləri tərəfindən pirotexniki vasitədən istifadə edildiyinə görə klub 1500 manat cərimə edilib.
“Sabah” – “Zirə” matçında Əsasnamənin tələbləri pozulduğuna görə Bakı klubu 500 manat cərimələnib.
“Turan Tovuz” – “Sumqayıt” oyununda qonaqların azarkeşləri tərəfindən pirotexniki vasitədən istifadə edildiyinə görə klub 1500 manat ziyana düşüb.
İdman.biz
