Kriştiano Ronaldo yeni rekorda imza atıb.
İdman.biz xəbər verir ki, 40 yaşlı hücumçu milli komandada ardıcıl 22 təqvim ilində qol vuran ilk futbolçu olub.
Portuqaliya yığmasının ulduzu Millətlər Liqasının 1/4 final mərhələsinin Danimarka ilə cavab matçında fərqlənib. O, 5:2 hesablı qələbəyə 72-ci dəqiqədəki qolla töhfə verib.
Qeyd edək ki, Ronaldo millidə ilk qolunu vurduğu 2004-cü ildən başlayaraq hər təqvim ilində fərqlənib.
İdman.biz
