Bu gün Azərbaycan kubokunun yarımfinalında qarşılaşacaq “Neftçi” və “Sabah”ın yolları əvvəllər də kəsişib.
İdman.biz xəbər verir ki, Bakı klubları üç il əvvəl kubokdakı ilk duelə çıxıb.
İndikindən fərqli 2022/23 mövsümünün paytaxt derbisi 1/4 finalda baş tutub. Həmin vaxt hər iki görüşdə tərəflər meydanı qolsuz tərk etməyiblər.
Evdə 1:1 hesablı bərabərliklə kifayətlənən “Neftçi” səfərdəki qələbə ilə yarımfinala yüksəlib – 3:1. Kubokda bu rəqibi üzərində qələbə qazanmayan “Sabah” tilsimi qırmağa çalışacaq. Bir qələbə və bir heç-heçəsi olan “Neftçi” isə top fərqindəki 4-2-lik üstünlüyü artırmaq arzusundadır.
Qeyd edək ki, digər yarımfinal cütündə üz-üzə gələcək “Araz-Naxçıvan”la “Qarabağ” indiyədək kubokda qarşılaşmayıblar.
İdman.biz
