"Starlizard Integrity Services" (SIS) analitik şirkəti 2024-cü ildə 159 şübhəli futbol matçı qeydə alıb.
İdman.biz xəbər verir ki, əvvəlki hesabat dövrü ilə müqayisədə potensial danışılmış oyunların sayı 7,5% azalıb.
SIS dünya üzrə 74 mindən çox oyunu təhlil edib, onlardan 159-u şübhəli hesab edilib. Həmin matçlardan 67-si (42%) Cənubi Amerikada oynanılıb.
Yoldaşlıq görüşləri şübhəli qarşılaşmaların ümumi sayının 9%-ni təşkil edib.
SIS bukmeker xətti ilə əmsalların hərəkəti əsasında şübhəli matçları müəyyən edir. Şirkət bütün şübhəli matçların səlahiyyətli orqanların iştirakı ilə araşdırılmasına çağırır.
İdman.biz
