"Zirə" qışdan sonra çempionatın ən yaxşı formada olan komandalarından biridir".
İdman.biz xəbər verir ki, bunu Sport24.az-a açıqlamasında "Şamaxı"nın futbolçusu Rüfət Abbasov deyib.
Gənc futbolçu Misli Premyer Liqasının 28-ci turunda səfərdə "Zirə"yə məğlub olduqları oyun barədə danışıb:
"Zirə" bizdən əvvəlki 9 oyundan cəmi 1-də məğlub olmuşdu. Oyuna itkilərlə çıxmışdıq. Matça pis başlamadıq, ilk hissə yaxşı mübarizə apardıq. İkinci yarıda isə ani diqqətsizlikdən və sadə səhvlərdən qollar buraxdıq. Vəziyyəti dəyişmək üçün komanda olaraq hücuma atılsaq da, fərqlənə bilmədik".
O, növbəti turda qarşılacaqları "Neftçi" ilə oyundan gözlənitlərini açıqlayıb:
"Bizi çətin oyun gözləyir. Öz stadionumuzda, azarkeşlərimizin önündə oynayacağıq. Çalışacağıq məşqçilərin verdiyi tapşırıqları meydanda yerinə yetirək. Yaxşı nəticə qazanıb azarkeşlərimizi sevindirək".
Qeyd edək ki, "Şamaxı" - "Neftçi" qarşılaşması aprelin 7-si, saat 15:30-da keçiriləcək.
