MLS klubları CONCACAF Çempionlar kubokunda yarımfinala çıxmaq uğrunda mübarizə aparırlar.
İdman.biz xəbər verir ki, 1/4 finalın ilk qarşılaşmasında "Los Anceles" evdə "İnter Mayami"yə 1:0 hesabı ilə qalib gəlib.
Qonaqların ulduz futbolçuları Lionel Messi və Luis Suares 90 dəqiqə ərzində fransalı Uqo Llorisin qoruduğu qapıya yol tapa bilməyiblər. Meydan sahiblərinin türkiyəli vingeri Cengiz Ünder 72-ci dəqiqədə əvəz olunub.
Cavab görüşü bir həftə sonra keçiriləcək.
İdman.biz
