AFFA-nın İntizam Komitəsinin iclası keçirilib.
İdman.biz xəbər verir ki, yığıncaqda Azərbaycan kubokunun yarımfinal mərhələsinin ilk matçlarında baş verənlər müzakirə olunub.
“Araz-Naxçıvan” – “Qarabağ” oyununda 4 futbolçusu sarı vərəqə alan meydan sahibləri 700 manat cərimələnib.
“Neftçi” – “Sabah” qarşılaşmasında meydan sahiblərinin azarkeşləri tərəfindən pirotexniki vasitədən istifadə edildiyinə görə klub 1500 manat cərimə ödəyəcək.
Bu matçın 90+3-cü dəqiqəsində hakimləri təhqir etdiyinə görə birbaşa qırmızı vərəqə alan “Sabah”ın məşqçisi Aleksey Antonyuk da cəza alıb. O, 3-ü şərti olmaqla 5 oyun cəzalanıb, klub 4000 manat cərimələnib.
Sınaq müddəti 3 ay təyin edilib.
İdman.biz
