Azərbaycan çempionatının müxtəlif liqalarında yaşanan xoşagəlməz hadisələrin günahkarları diskvalifikasiya olunublar.
İdman.biz xəbər verir ki, AFFA-nın İntizam Komitəsi məşqçi və futbolçularla bağlı qərar verib.
U-14 Liqasında keçirilən “Neftçi” PFK – “Ulduz” FA oyununda nominal meydan sahiblərinin köməkçi məşqçisi Nicat Musayev hakimi təhqir etdiyinə görə qırmızı vərəqə ilə texniki zonadan kənarlaşdırılıb. O, 5 matçlıq cəzalanıb.
Region Liqasının “Ərgünəş” (Füzuli) – “Hacıqabul” görüşü bitdikdən sonra meydan sahiblərinin futbolçusu Musa Abdullayev hakimi təhqir etdiyinə görə qırmızı vərəqə ilə meydandan kənarlaşdırıldığına görə 4 oyun cəzalanıb.
Region Liqasının “Cəngi” – “Xanlıq” qarşılaşmasında qonaqların futbolçusu Elşad Hacıyevin təcavüzkar davranışa görə qırmızı vərəqə ilə meydandan kənarlaşdırıldığına görə 4 oyun buraxacaq.
“Mil”lə qarşılaşmada təcavüzkar davranışa görə qırmızı vərəqə ilə meydandan kənarlaşdırıldıan “Lokomotiv”in (İmişli) futbolçusu Hüseyn Əliyevin də cəzası eyni olub.
U-17 Liqasının “Neftçi” - “Masallı” matçında meydan sahiblərinin futbolçusu Fərid Kərimli və qonaqların oyunçusu İslam Şahgəldiyev təcavüzkar davranışa görə qırmızı vərəqə ilə meydandan kənarlaşdırıldıqlarına görə 4 oyun diskvalifikasiya olunublar.
İdman.biz
