Pavol Şafranko: "Mərhələni keçən tərəf biz olacağıq"

Xəbərlər
3 Aprel 2025 17:14
56
Pavol Şafranko: "Mərhələni keçən tərəf biz olacağıq"

"Məncə, azarkeşlər maraqlı oyunun şahidi oldular".

Bunu İdman.biz-ə "Sabah"ın futbolçusu Pavol Şafranko deyib.

30 yaşlı hücumçu Azərbaycan kubokunun “Neftçi” ilə ilk matçını dəyərləndirib. O bildirib ki, 2:1 hesabı ilə qalib gəldikləri qarşılaşma onun üçün yaddaqalan olub: "İlk hissədə bərabər oyunun şahidi olduq. Həm rəqibin, həm də bizim fərqlənmək üçün şanslarımız var idi. Fasilədən sonra isə biz daha yaxşı oynadıq və layiq olduğumuz qələbəni qazandıq. Qol vurduğuma görə şadam. Lakin vurduğum bu qolun komandama qələbə qazandırması ikiqat sevindiricidir".

Şafranko cavab matçı haqqında da danışıb: "Növbəti görüşə hələ var. Bu oyuna yaxşı hazırlaşacağıq. Hələ heç nə həll olunmayıb. Şansları hələ də bərabər dəyərləndirirəm. Hər şeyə cavab matçında aydınlıq gələcək. İnanıram ki, mərhələni keçən tərəf biz olacağıq".

Qeyd edək ki, yarımfinalın cavab oyunları aprelin 23-də keçiriləcək.

Aytac Sahəd
İdman.biz